VIDEO/ Manipulimi foshnjor i Ramës: S`kam lidhje me librin "The Albanian Files"

Edi Rama është përpjekur sot se ai nuk ka asnjë lidhje me librin që është vendosur në qendër të vëmendjes "The Albanian Files", pasi ka ekspozuar projektet e arkitektëve më të mëdhenj botërorë për shqipërinë pa asnjë njohuri nga publiku dhe pas asnjë konsultim me të.

"Unë s`kam lidhje, kam shkruar vetëm parathënien që më është kërkuar", ka thënë kryeministri në podcastin e kësaj të diele "Flasim" duke lënë të kuptohet se gjithësa gjendet aty është frut i punës dhe vullnetit të arkitektëve të tubuar nga një editore. 

Por, kjo manovër qesharake e Ramës është e pabesueshme për disa arsye. E para ai e paraqiti vetë gjithë krenari këtë libër gjatë një interviste në CNN, me gazetaren që ka mbuluar gjerësisht protestat, Isa Soares. “This is the new Albania”, bërtiste ai në intervistë.

Së dyti, gjithkush e di se ata star arkitekta janë ftuar nga shefi i qeverisë për të ardhur në Tiranë dhe pjesmarrjen në këtë libër ua ka kërkuar ai. Por edhe sikur kjo mos ishte e vërtetë, Rama qëndron realisht pas cdo projekti madhor në këtë vend.

Pedagogu u gazetarëisë Ervin Goci ka reaguar menjëherë pas kësaj alibie të Ramës: "Ka firmosur 140 kulla te ditura zyrtarisht me doren e vet, dhjetra resorte, fshatra turistike, pa pyetur kerrrkend, me projekte te paramenduara, te paguara nga oligarke lokale, te cilet e kane ditur paprakisht qe e kishin lejen ne xhep".

Te njejten qe bejne projektet jane dhe ne juri, dhe votojne veten e tyre.

Ka anashkaluar gjithe ligjet e shtetit, ka ushtruar shperdorim detyre duke bere krushqi te fshehte mes arkitektesh, oligarkesh dhe te hurit e te litarit, nuk ka bere asnje verifikim per burimin e parave, madje eshte veteofruar per aministi te parase se piste duke u dhene garanci ligjore e shteterore qe nuk ka per t'i gjetur gje kriminelet, eshte bere tellalli promotor duke ftuar te gjithe shqiptaret dhe shtetasit e huaj qe te blejne neper keto resorte, madje u thote gangsterreve pavaresisht se nje toke truall ndodhet ne gjykate, ju hajdeni se pronareve te tokes ua thyej une turinjte, si ne Rrjoll, Zvernes e kudo", - ka shkruar ai në Facebook duke mos pasur asnjë dyshim për rolin e Ramës.

Pas alibisë së Ramës edhe gazetari Basir Çollaku ka shtruar disa pikpyetje: "Së pari kush i ftoi dhe i solli arkitektët e huaj?
Së dyti kush ua ngarkoi projektet konkrete.
Së treti kush i shpall fitues për projektet?
Së katërti kush i lidh arkitektët me investuesit / zhvilluesit / ndërtuesit? Madje kush ua imponon filan arkitekt apo studio këtyre të fundit?
Së pesti kush i ka firmosur dhe firmos lejet e ndërtimit dhe të zbatimit të këtyre projekteve?
Së gjashti pse 59% e projekteve të librit kanë identitetin e investuesit, ndërsa 41 % e tyre investuesve u është ruajtur anonimati në mënyrë fanatike?"

Pra, nuk ka dyshim se cili qëndron pas "The Albanian Files". E vetmja dilemë është se pse pas ngjarjeve të fundit Rama ka bërë një hap pas, mos vallë sepse po kupton se ajo është një dosje e gatshme kundër tij?

/LAPSI.AL