Po mbahet në qendër të Tiranës protesta e 29-të kundër qeverisë. Qytetarët marshuan nga sheshi “Skënderbej”, drejt Kryeministrisë ku janë mbajtur më pas fjalimet e zakonshme. Shqiptarët kanë kërkuar dorëheqjen e kryeministrit Edi Rama.
Aktivisti Arben Kola tha se Rama duhet të shkojë në burg. Sipas tij, kryeministri ka vjedhur dhe se duhet t’i konfiskohet pasuria.
“Rama ik nuk na shërben, por Rama në burg sepse ne të gjithë besojmë se ka vjedhur dhe shitur Shqipërinë. Prandaj duhet futur në burg dhe duhet konfiskuar pasuria. Rama në burg, Berisha në burg”, tha ai.
Organizatorët kanë deklaruar se protestat do të vazhdojnë deri në përmbushjen e kërkesave, duke bërë thirrje që qytetarët të marrin pjesë masivisht. ©LAPSI.al
