FIFA provon ti japë fund cështjes së drejtësisë, që pasoi vdekjen tragjike të Emiliano Sala. Mbi çështjen është shprehur sot komisioni i lojtarëve të organizmit futbollistik më të rëndësishëm, që merret me statusin e sportistëve: Cardiff duhet të paguajë 6 milionë euro tek Nantes. Jo të gjithë shifrën e transferimit, por 1/3 e 17 milionëve të rënë dakord për kalimin e argjentinasit nga Franca në Uells.
Nantes, skuadra në të cilën Sala luante deri në aksidentin tragjik ajror janarin e kaluar, i kishte kërkuar Cardiff, klub që kishte blerë sulmuesin 29 vjecar, të paguante të gjithë shifrën e akorduar për transferimin. Uellsianët refuzuan ta bënin ("Nuk do të paguajmë asnjë penny") sepse Sala kishte vdekur pasi avioni me të cilin udhëtonte ishte rrëzuar në Kanalin e La Manshit për shkaqe ende të paqarta.
Vendimi i FIFA ka ardhur, ashtu si shpjegohet në një komunikatë zyrtare, duke patur parasysh "rrethanat specifike e unike të kësaj situate tragjike", por beteja e drejtësisë nuk është aspak e mbyllur: të dy klubet kanë bërë të ditur mundësinë e ankimimit në Cas të Losanna. E ndërsa diskutohet për paratë, kërkohet ende një shpjegim për vdekjen absurde të një djaloshi 29 vjecar.
