Lewis Hamilton ka triumfuar në GP të Rusisë, duke rrëmbyer fitoren e nëntë sezonale. Piloti i Mercedes ka përfituar nga dalja jashtë gare e Ferrarit të Sebastian Vettel, që ka detyruar futjen në pistë të Virtual Safety Car, duke i dhënë britanikur fitoren e pamenduar. Problemi i gjermanit ka kompromentuar edhe garën e Leclerc, që e ka mbyllur më pas garën në vendin e tretë, pas makinës së Bottas. Për Hamilton titulli i gjashtë Botëror është edhe më pranë.
Pas triumfit në Singapore ka ardhur një tjetër e diel e zezë për Ferrari, që i bëri keq vetes në mënyrë të pabesueshme, duke humbur një GP, që në gjysëm të garës dukej në kasafortë. Kokëkuqet kishin zgjedhur strategjinë perferkte, duke nxjerrë Vettel para të gjithëve falë lëvizjes së Leclerc. Pastaj, pasi gjermani u kthye pas shokut të skuadrës në pit-stop, erdhi befasia: SF90 e Seb mbetet për një problem teknik, drejtuesit e garës fusin Virtual Safety Car e ai që përfitoi ishte Hamilton, që nuk kishte ndaluar ende për herë të parë dhe e gjeti veten në vend të parë. Leclerc tentoi gjithcka për gjithcka, por në një nga pistat më të komplikuara për parakalime ishte e kotë.
Leëis, në përfundim të një fundjave nën hijen e Ferrari, gjeti një fitore që i mungonte prej 3 GP, duke forcuar pozitat për titull, aq sa të mos vihet më në diskutim. 322 pikë në klasifikim: + 73 ndaj Bottas, + 107 nga Leclerc. Mercedes u konfirmua mbretresha absolute në Sochi, duke triumfuar në cirkuitin rus për të gjashtin vit radhazi. Në vend të katërt e mbyllën garën Red Bull të Verstappen e Albon. Në 10 më të mirët përfundoi edhe Sainz me McLaren, ndjekur nga Racing Point i Perez e McLaren tjetër i Norris. Vendi i nëntë dhe i dhjetë për Magnussen me Haas e Hulkenberg me Renault.
