Pati reagime të shumta në rrjetet sociale pas publikimit të një videoje të shkurtër nga pushimi ndeshjes së kampionatit turk të futbollit Bursaspor - Fenerbahce. Gjatë intervistës me një të ftuar në fushë, kamerat fiksuan 2 fëmijë dhe njëri prej tyre po tymoste një cigare.
“Do ketë telashe kur të kthehet në shtëpi” – shkruante njëri prej komentuesve. Por mediat kanë zbuluar një tjetër të vërtetë. Personi që po tymoste cigare nuk është një fëmijë, por një 36-vjeçar. Ai në krah është djali i tij.
Ishin të shumtë ata që kërkuan identitetin e “fëmijës” dhe zbuluan se bëhet fjalë për një të rritur i cili e zbuloi vetë veten e tij, një tifoz i Bursaspor. ©LAPSI
