Dy javë e dy fitore për Skënderbeun kishin bërë befasinë, por Bylis zbret me këmbë në tokë bardhekuqtë, duke i dhënë një leksion të mirë në Korçë me rezultatin 3-0. Skuadra e ardhur nga Kategoria e Parë kishte vetëm një pikë në dy ndeshjet e para, por Dovedan e kishte bërë të qartë se organika e mallakastriotëve është me kualitet shumë më të lartë se reflektohet në pikë: përgjigja erdhi në javën e tretë, ku korcarët janë shkatërruar me lojë e me gola e janë ndëshkuar edhe nga portieri i Bylis Isli Hidi, që hoqi kënaqësinë e golit nga pika e bardhë.
Dominim absolut i ballshiotëve, në avantazh me Peposhin në minutën e 11, që nuk con dëm asistin e Muratajt. Kapiteni i Bylis ka qenë një nga protagonistët e takimit, me shumë topa të luajtur e me inteligjencën për ti krijuar të tijve hapësirat e duhura për të goditur. Skënderbeu nuk u fut kurrë në lojë e madje u kuptua që nuk do të ishte mbrëmja e duhur, kur ish-sulmuesi i tyre Guindo, dyfishoi shifrat para se skuadrat të zbrisnin në dhomat e zhveshjes.
Pak për të bërë për Dajën, që pavarësisht deklaratave optimiste që vinin nga Korca, ishte i vetmi që ka qendruar në heshtje, me shumë mundësi duke qenë se limitet e skuadrës së tij i kishte të qarta. Skuadra e Dovedan nuk e lëshoi kapjen, për ti dhënë mundësinë korcarëve të ktheheshin në lojë, por i mbylli llogaritë në minutën e 61, duke shënuar edhe golin e tretë nga pika e bardhë e penalltisë. Si për të bërë më të hidhur humbjen, përballë Kolicit u paraqit Hidi, që shënon golin e parë në kampionat.
4 pikë në 3 javë për Bylis, që nuk është distant nga grupi kryesues i skuadrave, të gjithë në kuotën e 7 pikëve. Skënderbeu mbetet në kuotën e 6 pikëve, ndërsa pas pauzës për shkak të impenjimeve të kombëtares do të ndeshet në transfertë ndaj Tiranës, ndërkohë që Bylis pret Kukësin në “Adush Muça”.
