Ashtu si pritej, Mauro Icardi nuk mund ta kalonte lehtësisht situatën e krijuar tek Inter dhe mënyrën si po sillen zikaltrit me të. Letra e ardhur mëngjesin e sotëm në selinë e Inter nuk ishte një rrufe në qiell të pastër: ishte gjithcka e ditur, që Mauro Icardi, përmes avokatëve të tij, do të kërkonte riintegrim e një dëmshpërblim prej 1,5 milionë euro. Bashkëshortja-agjente Ëanda Nara kishte vlerësuar mundësinë e veprimeve ligjore prej kohësh sepse lojtari, jashtë planeve të klubit, për gjithë verën nuk mori pjesë në asnjë seancë taktike, përvec se nuk luajti as një minutë në miqësore. Kështu është aktivizuar procedura në Kolegjin arbitrale.
Thelbi i gjërave nuk ka ndryshuar: nga fundi i merkatos mbetet shumë pak e dy palët vazhdojnë të negociojnë për shitjen e lojtarit në huazim tek Monaco. Gjithcka sillet rreth rinovimit: Inter dëshiron që lojtari të rinovojë kontratën në skadencë në 2021, lojtari për momentin nuk ka pranuar. Por deri në 2 shtator ka edhe pak kohë e situata mund të ndryshojë përsëri.
