Presidenti i Republikës, Ilir Meta, ka dekretuar shkarkimin nga detyra të Komandatit të Forcave Detare, Ylber Dogjanin.
Presidenca sqaron se shkarkimi i Dogjanit është bërë për shkak të mbarimit të mandatit. Ky dekret vjen disa muaj pas kërkesës së Ministres së Mbrojtjes, Olta Xhaçka, për ngjarjen e ndodhur në bazën e Pasha Limanit.
Më datë 16 Janar, Xhacka i dërgoi kreut të shtetit kërkesën për lirimin e Dogjanit, pasi nga hetimi i kryer për ngjarjen në fjalë ku u vodhën armë dhe municione, gjenerali së bashku me 15 ushtarakë të tjerë rezultonin përgjegjës.
