Kreu i Partisë Demokratike ka zhvilluar një takim me aleatët e opozitës në selinë e PD-së. Takimi ka zgjatur disa orë dhe mësohet se në fokus ka qenë qëndrimi që do të mbajë opozita për 13 tetorin, datën e dekretuar nga Presidenti për mbajtjen e zgjedhjeve lokale.
Burimet thanë se partitë e opozitës kanë diskutuar për të marrë pjesë në këto zgjedhje dhe do t’i kërkojnë KQZ-së të nisë procedurat. Nëse do të respektoheshin procedurat, partitë që do të hyjnë në zgjedhje duhet të regjistrohen në KQZ deri në 4 gusht, por ky institucion, ku shumicën e ka mazhoranca, nuk ka nisur ende procedurat. ©LAPSI.al
