Nënkryetari i Komisionit Qendror të Zgjedhjeve (KQZ), Denar Biba, ka deklaruar në një intervistë të dhënë në emisionin “Top Talk” në Top Channel se organi përgjegjës për organizimin, monitorimin dhe shpalljen e rezultateve të votimit në vend, po përballet me problematika në disa bashki të vendit që drejtohen nga Partia Demokratike.
Krybashkiakët e djathtë, së bashku me krerë të tjerë të njësive vendore që i përkasin Lëvizjes Socialiste për Integrim, u kanë dërguar KQZ-së kërkesën për lirimin e ambienteve të Komioneve Zonale të Administrimit Zgjedhor (KZAZ), me qëllim zbatimin e dekretit të presidentit të Republikës, Ilir Meta, për shtyrjen e zgjedhjeve vendore.
Biba, në cilësinë e përfaqësuesit të Partisë Socialiste në KQZ, paralajmëroi këta kryebashkiakë se pengimi i zgjedhjeve përbën vepër penale dhe se shumë shpejt do të ketë kallëzime ndaj tyre nëse nuk bashkëpunojnë për përgatitjet e garës elektorale. “Kemi patur disa problematike me kryetarë bashkishë të së djathtës, të cilët duke mos njohur datën e zgjedhjeve nuk po bashkëpunojnë për përgatitjet. Ju kujtoj zotërinjve se pengimi i zgjedhjeve është vepër penale dhe shumë shpejt do të ketë kallëzim për ta”, u shpreh Biba.
