Kryeministri Edi Rama është pritur me protesta ditën e sotme në Bashkinë Patos, ku do të zhvillojë sot takimin elektoral prezantues të kandidates së PS për mandatin e tretë Rajmonda Balilaj.
Rreth 300 metra larg sheshit qëndror të Patosit, ku do të zhvillohet takimi i kryeministrit Rama me elektoratin e majtë, janë mbledhur dhjetëra mbështetës të opozitës. Me vuvuzela në duar dhe pankarta “Rama ik” ata kanë kërkuar dorëheqjen e kryeministrit.
Të pranishëm janë edhe ish-deputetët Luan Baçi dhe Enkelejd Alibeaj. Në vendngjarje është vënë re një numër i madh efektivësh të policisë.
