Gjykata e Apelit ka shtyrë sërish seancën gjyqësore ndaj grupit të Emiljano Shullazit. Shkak për vazhdimin e këtij ngërçi procedurial është bërë mosparaqitja e avokatëve të palës mbrojtëse, të cilët janë caktuar kryesisht nga gjykata.
Seanca e radhës është parashikuar të mbahet më datë 18 qershor në orën 12:30. Gjyqi u zhvillua mes debateve ndërmjet të pandehurve dhe trupës gjykuese.
Të pandehurit kanë përsëritur kërkesën e tyre që të mos gjykohen nga kryesuesja e trupës, Saida Dollani. Ndërkohë, Gjykata vendosi të gjobisë 2 prej avokatëve për mosparaqitjen e tyre me nga 5 mijë lekë.
