Drejtuesja e Prokurorisë së Korçës, Dhorina Theodhori, u paraqit sot në Komisionin e Pavarur të Kualifikimit për t’iu nënshtruar procesit të vetting-ut. Pas rivlerësimit të kriterit të pasurisë, të aftësive profesionale dhe të pastërtisë së figurës, Theodhori ka mundur të rikonfirmohet në detyrë.
Në hetimin për pasurinë e kreut të Prokurorisë së Korçës, KPK-ja nuk ka hasur mospajtim të të dhënave të deklaruara me ato reale. Ndërsa, lidhur me aftësitë profesionale, KPK-ja bën të ditur se e ka kryer vlerësimin duke shqyrtuar një sërë dokumentesh, ku është konstatuar se Theodhori zotëron aftësitë e arsyetimit ligjor dhe të ndërmarrjes së veprimeve të efektshme në procedurat hetimore.
