Një aksident i rëndë automobilistik ka ndodhur në aksin Librazhd-Përrenjas, ku një autobus i linjës Elbasan-Korçë është përplasur me një autoveturë. Nga informacionet paraprake të bëra të ditura nga Policia e qytetit të Librazhdit, në aksident janë përfshirë edhe dy makina të tjera.
Në vendngjarje janë dërguar dy autoambulanca për t'u ardhur në ndihmë pasagjerëve të lënduar. Sakaq, ende nuk disponohen informacione lidhur me gjendjen e tyre shëndetësore.
Shkak për aksidentit mendohet të jetë bërë moti i keq me reshje të dendura shiu. Gjithashtu, nga të dhënat e deritanishme, njëri prej drejtuesve ka humbur nga shpejtësia kontrollin e automjetit, duke sjellë për rrjedhojë edhe përplasjen.
