Për të nxjerrë nga shtëpitë e tyre banorët që po bëjnë rezistencë te Bregu i Lumit pasi kërkojnë kompensim, policia ka përdorur gaz lotsjellës.
Po sipas saj deri më tani të paktën tre banorë kanë pasur nevojë për ndihmë mjekësore, 76-vjeçari Uzur Mandri, i cili ndodhet tashmë në sallën e operacionit, pas plagëve të marra në kokë dhe shtetasit Flora Mandri dhe Xhabir Boleci.
Në videon më poshtë duket se si gazi përhapet mbi shtëpitë e Bregut të Lumit. PD pretendon gjithashtu se gazi është përdorur që në orën 06:00 të mëngjesit për t’i nxjerrë banorët nga shtëpitë e për të vijuar prishja e banesave me fadroma.
