I forti i “Tiranës së Re”, kështu njihet Elvis Gaçaj një nga të arrestuarit nga policia, si pjesë e një grupi kriminal në trafikun e drogës nga Shqipëria drejt Gjermanisë.
Ai i ka shpëtuar disa atentateve, i fundit në vitin 2015, ku pranë lulishtes “1 Maji” në Tiranë mbetën të vrarë gabimisht dy persona.
Në atë kohë Gaçaj u plagos ndërsa plumbat i morën jetën Aurora Oskian dhe Kevin Rugova.
Sipas autorëve Sael Sulaj dhe Vasiel Çavo, shkaku i konfliktit mes tyre ishte sepse disa muaj para ngjarjes, Elvi Gaçaj, u kishte propozuar që të punonin për të për të shpërndarë drogë, hashash, në zonën e Tiranës së Re dhe kompleksin sportiv “Dinamo”.
Për Elvis Gaçaj, denoncime ka bërë dhe ish-kryeministri Sali Berisha.
