Rreth 100 minuta ka zgjatur takimi kokë më kokë mes Edi Ramës dhe zv/ ndihmës sekretarin e Shtetit, Matthew Palmer. Ende nuk ka detaje nga takimi apo se çfarë është diskutuar. Nesër pritet që Palmer të takohet rreth orës 17:30 me presidentin Ilir Meta. Po këtë ditë zyrtari amerikan ka rezervuar takime me kreun e PD-së, Lulzim Basha dhe drejtues të tjerë të opozitës.
Zv.ndihmës sekretari amerikan Matthew Palmer, pas takimeve me zyrtarët e lartë pritet të ketë një takim me gazetarë shqiptarë. Vizita e tij në Tiranë vjen në kuadër të një turi ballkanik. Shqipëria është në një krizë politike qysh prej kohës kur opozita vendosi të digjte mandatet.
©LAPSI.al
