Policia e Tiranës ka arrestuar pasditen e sotme 4 persona si të dyshuar për trafik ndërkombëtar droge. Ata janë Leonard Duka, Elvis Gaçaj, Dritan Agaj dhe Oltion Loga.
Kapja e tyre është bërë në zonën e Medresesë në Tiranë. Gjatë operacionit policia sekuestroi një armë zjarri, 10 telefona celularë dhe 2 automjete, njëri prej tyre i blinduar, i marrë me qira.
Personat mësohet se janë nën hetim dhe nga Prokuroria e Krimeve të Rënda dhe ka informacione se merren me trafik drogash të forta drejt Europës.
Të arrestuarit sipas informacioneve nga policia janë me precedentë penalë. Kështu mësohet se Gaçaj i ka shpëtuar 3 atentateve ndaj tij. Gjatë arrestimit sot, të katërt janë kapur në një banesë në zonën e Medresesë.
