Parlamenti është mbledhur në seancë plenare këtë të enjte ku kanë marrë pjesë edhe deputetët e të ashtuquajturës “opozita e re”. 7 deputetë të rinj nga listat e LSI dhe PD bënë betimin duke e çuar në 11 numrin e atyre që kanë pranuar mandatin ndërsa 3 të tjerë nuk e dorëzuan atë.
Mungesa e opozitës reale duket se e ka relaksuar edhe maxhorancën që në mungesë edhe të protestës jashtë sallës është parë e qeshur. I tillë ishte edhe kryeministri Edi Rama që u ka treguar diçka në telefon dy ministreve Spiropali dhe Xhaçka.
Siç duket edhe nga fotot e LSA një batutë e shefit ka shkaktuar të qeshura, por edhe sikletin e Sipropalit, krahut të djathtë të të madhit të qeverisë. ©LAPSI.al
