Mazhoranca do të zhvillojë nesër seancën e radhës në Kuvend. Nga frika e protestës së opozitës kjo seancë ngjan të jetë si në ilegalitet për shkak se nuk është bërë publike ora e saktë e mbajtjes së saj. Burime të Lapsi.al thonë se deputetët e PS janë thirrur në orën 10:00 paradite. Mbajtjen sekret të orës së seancës, opozita e ka cilësuar si një akt frike nga Edi Rama dhe Gramoz Ruçi. Javën e kaluar seanca u zhvillua në mbrëmje. Kësaj radhe është caktuar qëllimisht një orar paradite, për të menaxhuar më mirë protestën. Opozita ka bërë thirrje për pjesëmarrje masive dhe zotohet se nuk do të lejojë që Edi Rama të krijojë një opozitë fasadë.
©LAPSI.al
