Autori i vrasjes së nënës së tij 80 vjeçe, Nezim Demollari kishte telefonuar vëllain e tij që jeton në Tiranë pas krimit duke i thënë: "Dërgo njerëz se vrava nënën".
Këto kanë qenë fjalët e tij pak minuta pas krimit të rëndë në Korçë.
Autori Nezim Demollari njihet nga komshinjtë si një njeri problematik dhe mbi të gjitha përdorues i pijeve alkoolike. Djali i viktimës ka dhunuar sistematikisht të ëmën ndërsa mësohet nga fqinjët se edhe ata kanë qenë dëshmitarë të shumë rasteve të tilla.
Kunata e viktimës e shokuar në një prononcim ndër të tjera pohon se autori duhet të varet.
Ngjarja e rëndë që ndodhi paraditen e sotme në qytetin e Korçës ka alarmuar banorë të lagjes 14, të cilët shprehen se 80-vjeçarja që u vra nga djali ishte një grua e mirë që i kishte rritur me sakrifica 4 fëmijët e saj.
Nazmie Demollari jetonte vetëm me djalin e saj pasi dy fëmijët e tjerë jetojnë në SHBA dhe një në Tiranë.
