Nuk i ka lënë pa përgjigje kryeministri Edi Rama, kritikat për samitin e Diasporës. I pranishëm në mbrëmjen gala, Rama tha se ka gjetur të tjerë “kazanë mediatikë” edhe në diasporë.
“Sot pashë edhe disa reagime në kazanin e diasporës për këtë samitin, se edhe diaspora ka kazanët e vet dhe më bëri shumë përshtypje negativiteti i reagimeve. Njëri thoshte është samiti i vakisë, tjetri i përçarjes e me radhë, por po t’i besosh mikut tim budist, Pandeli Majkos të gjitha këto janë shenja të mira” - u shpreh Rama.
Ai i dorëzoi tenorit shqiptar me famë botërore, Saimir Pirgu çmimin “Shqipoja e Artë e Diasporës”.
