Pas vendimit të ish-deputetit të PD, Agron Shehaj, për të dorëzuar mandatin e deputetit, 6 motrat jetime nga Kukësi që përfitonin si ndihmë financiare rrogën e tij, do të ndihmohen me të njëjtën shumë prej tij.
Shehaj u shpreh në studion e News24 se do të ndihmojë vajzat me të njëjtën shumë parash, jo më prej rrogës si deputet, por me të ardhurat e tij personale.
‘Unë nuk di që ato vajza të kenë të ardhura të tjera, për momentin varen vetëm nga rroga që i kaloj. Do vazhdoj t’i jap të njëjtën shumë që u jap jo nga të ardhurat si deputet por nga të miat.
Nuk dua që ato të vuajnë vendimin që kemi marrë ne për djegien e mandateve’, u shpreh Shehaj.
