Një elektricist 34-vjeçar, ka humbur jetën në fshatin Fierzë të Fushë Arrëzit, pasi ra në kontakt me energjinë elektrike. Viktima është identifikuar si shtetasi Prend Ceca, i cili kishte hipur në shtyllë për të riparuar një defekt, por kishte rënë në kontakt me rrymën, duke mbetur i vdekur.
Por si të mos mjaftonte ngjarja e rëndë, trupi i viktimës është lënë më shumë se 4 orë në shtyllë, pasi nuk kishin mbërritur specialistët për ta zbritur. Sipas asaj që raportojnë burime nga terreni, ndonëse ngjarja ka ndodhur rreth pasdites, trupi i elektricistit 34-vjeçar mbeti gjatë në shtyllën që i mori jetën.
Mësohet se elektricisti kishte dalë i vetëm për riparimin e defekteve, veprim ky që përbën shkelje të sigurisë teknike. Familjarët dhe banorë të zonës qëndronin rreth shtyllës teksa priteshin ekspertët. Vetë rreth orës 21.00 ai është dërguar në spital.
