Në të njëjtën zonë banimi ku u gjend një predhë, Forat e Armatosura në Bashkinë e Pukës kanë gjetur ditën e sotme një arsenal armësh.
Ministria e Mbrojtjes ka dërguar sot një ekip të Forcave të Armatosura në bashkinë e Pukës për të kontrolluar zonën.
40 granata dore difensive, 6 granata dore ofensive si dhe një granatë dore me bisht, janë zbuluar gjatë kërkimeve në zonë.
Nga verifikimet paraprake, dyshohet se këto municione të kenë dalë nga depot e FA dhe të jenë hedhur në zonë gjatë trazirave të vitit 1997, duke u shndërruar në një rrezik serioz për jetën e banorëve.
