Gjatë mbledhjes së ditës së sotme Këshilli i Lartë i Prokurorisë shyrtoi kërkesën e opozitës për shkarkimin e kryeprokurores Arta Marku dhe anëtarët e këtij Këhilli u shprehën se kërkesa e opozitës është jashtë kompetencave të tyre dhe se ka natyrë administrative.
“Kërkesa e opozitës për shkarkimin e kryeprokurores është jashtë kompetencave tona sepse ka natyrë administrative” - kanë thënë anëtarët e KLP.
Kreu i Grupit Parlamentar të LSI-së, Petrit Vasili dhe i PD, Edmond Spaho, kërkuan shkarkim dhe ndjekjen penale të Markut pasi, sipas tij, kryeprokurorja përcolli kandidaturën e Bujar Sheshit si kandidaturë që plotëson kriteret për të qenë pjesë e KLP-së, pa pritur përgjigjen e verifikimit mbi integritetin e figurës së tij.
