Lulzim Basha ka zgjedhur të shkojë anekënd Shqipërisë për të bindur qytetarët për rrëzimin e qeverisë aktuale duke i ftuar t'i bashkohen protestës së 16 shkurtit.
“Europa po pret, i ka sytë nga ne. Në Europë kjo qeveri do të kishte rënë dhe gjysma e saj do të ishte në burg, ndaj më 16 shkurt kjo forcë dhe fuqi është mbi Parlamentin e hajdutëve, mbi qeverinë e hajdutëve është Bashkimi Europian”, tha Basha.Lideri i opozitës kërkoi nga qytetarët e Burrelit që të marrin shembullin europian për të dërguar pas hekurave shtetarët të cilët vjedhin popullin: “Në Europë i përzënë hajdutët, i çojnë në burg”. Prej 16 shkurtit, Basha beson se do të vendoset një standard i ri, ku qeveria do të ketë frikë nga populli. https://www.youtube.com/watch?v=7AX8jtf3130
