Aktori Bujar Asqeriu ishte fillimisht një nga kundërshtarët më të fortë të prishjes së godinës së Teatrit Kombëtar. Janë të fiksuara “shpërthimet” e tij në protesta, takime me ministren Kumbaro dhe studio televizive. “Shko në Francë dhe thuaji Macron, prisheni këtë teatrin e Luvrit”, - bënte ironi me Ramën në atë kohë Asqeriu.
Por tashmë duket se era ka ndryshuar. Në një intervistë, Asqeriu tha se kishte ndërruar mendje. “Nga ajo godinë më vdiqën shokët, më duket se jam sëmurë edhe unë” – shprehet aktori që e thotë troç se do një Teatër të ri.
Kjo ka mjaftuar që në rrejtet sociale të mos mungojnë thumbimet dhe ironitë për aktorin. Një prej tyre e ka bërë deputeti demokrat i Vlorës, Agron Shehaj i cili në rrjetet sociale ka postuar komentin: “Një herë kundër prishjes ➡ https://bit.ly/2L77m4p dhe një herë pro➡ https://bit.ly/2mdODGb Ndaje mendjen Asqeri ose merr një Asqerinë!
Në paketimin e "Asqerinës" shkruhet: “Pengon humbjen e dinjitetit. Kundër prishjes së gjakut dhe pafytyrësisë. 1 kokërr çdo ditë, ose 2 kokrra para takimit me Lali Erin”. ©LAPSI.al
