Në daljen e tij nga Kuvendi Kombëtar i PD-së, Sali Berisha u shpreh se nuk duhet të kishte fishkëllime gjatë fjalës që mbajti Eduard Selami, i cili kritikoi ashpër Lulzim Bashën për statutin e ri të partisë.
Selami akuzon rëndë Bashën mes fishkëllimash në Kuvendin Kombëtar të PD
Megjithatë, sipas Berishës, këto diskutime ishin të lira, të cilat janë tipar i debateve demokratike. Berisha e krahasoi forumin e sotëm me ato të Edi Ramës, për të cilin tha se shkelmon të drejtat e socialistëve të ndershëm dhe nuk njeh asnjë vlerë.
“Diskutimet ishin të lira, fishkëllima s’duhet të ketë, e s’duhet të kishte. Çdo njeri duhet të thotë fjalën e tij, na pëlqen s’na pëlqen, dhe ky është tipar i debateve demokratike por unë mendoj se siç e dëgjuat vetë pati diskutime me kritika, propozimë, një kontrast shumë i madh midis këtij forumi dhe forumit të një njeriu haluçinant, (Edi Rama) një njeriu që shkelmon çdo ditë të drejtat e atij kontigjenti të ndershëm të socialitëve, ku një pjesë e tyre janë trafikantë të inkrimunaruar deri në palce ndërsa një pjesë e madhe janë të ndershëm e kanë një fatkeqësi të kenë në krye një njeri që nuk njeh asnjë vlerë” - u shpreh Berisha.
