Detaje të reja mësohen nga grabitja e armatosur në Kamëz, ku mbeti i vdekur një person. Policia ka mundur të identifikojë dy persona si autorët të dyshuar të ngjarjes.
Ata janë Vladimir Kurti 28 vjeç dhe Rushdi Hoda 25 vjeç. Kurti është 28 vjeç me origjinë nga Gurrë e Vogël e Matit dhe me banim në Qendër Kamëz.
Kurti dyshohet se është vrasësi direkt që ka qëlluar mbi Agim Bucin dhe u plagos bashkëshortja e tij Merita Buci mbrëmjen e 25 Prillit në lagjen “OSBE” të Kamzës.
Vladimir Kurti dhe Rushdi Hoda aktualisht po mbahen në Drejtorinë e Policisë së Tiranës.
28-vjeçari Vladimir Kurti nuk është një emër i panjohur për autoritetet shqiptare. Ai ka qenë i arrestuar dhe në të kaluarën në fund të vitit 2010 për grabitjen e një taksisti.
