Ngrohja e kohës ka bërë që të fillojë edhe ardhja e turistëve, gjë e cila ka shkaktuar rritjen e fluksit të hyrjeve në pikën kufitare të Morinës.
Aktualisht po punohet me katër sportele, por kosovarët që hyjnë në Shqipëri ankohen për shërbimin. Atyre u duhet të presin 40 minuta në pritje teksa kërkojnë nga të dy qeveritë të marrin masa për lehtësimin e lëvizjes për sezonin turistik.
Mbi 700 automjete të vogla kanë hyrë deri tani, ndërsa edhe autobusët janë në një numër të konsiderueshëm. Për shkak të temperaturave të larta fluksi pritet të rritet të shtunën dhe të dielën.
