Personi që u arrestua ditën e sotme nga Policia pasi dyshohet si i përfshirë në trafikun e 421 kilogramëve hashash që u kapën në Thumanë, është Bernard Hamzai.
40-vjeçari (në foto më poshtë) u vu në pranga nga policia në Fushë-Krujë. Raportohet se ai shumicën e kohës jetonte në Turqi, ndërsa më parë ka punuar si doganier në Kakavijë. Ai u largua nga kjo puna në vitin 2016, raporton News 24.
Por Bernard Hamzai nuk ishte i vetmi i përfshirë në këtë trafik hashashi. Bashkë me të ishte dhe një polic i komisariatit nr.2 në Tiranë, personi me inicialet O.S., por që ka arritur t'i largohet policisë.
Policia gjeti në Thumanë ditën e djeshme dy makina ku ishin fshehur 421 kilogramë hashah. Kërkimet për policin vazhdojnë. ©LAPSI.AL
