Edi Rama deklaroi se është surprizuar dhe ndihet i keqardhur për vendimin e Departamentit Amerikan të Shtetit për të ndaluar hyrjen në SHBA të deputetit Tom Doshi.
Kryeministri shtoi se nuk ka informacion për këtë vendim të DASH.
“Me thënë të drejtën u surprizova dhe jam i keqardhur, s’kam cfarë them më shumë se s’kam as informacion për këtë, jam shumë i keqardhur" - u shpreh Rama në emisionin Real Story.
I pyetur nëse ka ndonjë koment për të njëjtin vendim të marrë nga DASH për ish-Prokurorin e Përgjithshëm të Shqipërisë, Adriatik Llalla, Rama u shpreh se sërish ndihet i keqardhur.
"I keqardhur, të njëjtën gjë kam. Natyrisht nëse ndodh një gjë e tillë s’mund të të vijë mirë se ka qenë ish kryeprokuror i Republikës." - u shpreh Kryeministri. ©LAPSI.AL
