Kryeministri Edi Rama është duke mbajtur një konference të përbashkët për shtyp me shefen e diplomacisë së BE, Federica Mogherini e cila ndodhet në vendin tonë pas rekomandimit pozitiv të KE për të hapur negociatat me Bashkimin Europian. Në fjalën e tij, Rama falenderoi dhe vlerësoi disa here znj. Mogherini dhe nuk harroi të kritikojë shtetet dhe individët kritik në BE që janë kundër hapjes së negociatave.
"Rajoni ynë ka bërë hapa përpara por ne të gjithë kemi nevojë të posaçme për miq të mirë dhe të vertetë në Europë. Për njerëz të hapur që e njohin historinë tonë dhe vështirësitë, të vlerësojnë ndershmerisht përpjekjet tona aspak të lehta. Jo vetëm kaq por edhe të kenë vullnetin të na mbështesin, aty ku ne mungojmë. Për këtë kohë jo të favorshme në BE ku skeptikët na shohin dhe na përdorin si mish për top kur ua lyp interesi për politikën e tyre të brendshme." - tha Rama.
