Një minimarket në fshatin Mjedë të Vaut të Dejës, u qëllua me breshëri automatiku në natën mes të dielës dhe të hënës.
Persona të paidentifikuar kanë qëlluar me armë zjarri në drejtim të minimarketit të 38-vjeçarit M.Selimi, banues në fshatin Mjedë.
Ngjarja është pikasur nga i zoti i martketit, i cili jeton aty pranë. Ai lajmëroi policinë.
Nga të shtënat nuk ka pasur të lënduar në njerëz.
Dyshohet se të shtënat mund të kenë qenë paralajmërim për 38-vjeçarin, ndërsa ky i fundit mohon të ketë pasur konflikte me njeri.
Aktualisht, nga ana e Policisë së Shkodrës po punohet për identifikimin dhe kapjen e autorëve të ngjarjes.
