Daljet publike në televizione të artistet Ornela Vorpsi, që kanë shkaktuar shumë debate dhe shpesh kanë skandalizuar shumëkënd me shprehjen "Edi Rama ishte piktori që magjepste Parisin", kanë shtyrë edhe Artur Zhejin, ish mikun e ngushtë të kryeministrit aktual dhe njohësin e mirë të Ornelës, të reagojë. Ai ka parë pas ekspozitës së artistes në mjediset e kryeministrisë dhe deklaratave të saj bombastike për Ramën, një operacion të pastër marketingu. Ndaj ai ka vendosur ta denoncojë atë në median 360 gradë. Ja çfarë shkruan:
"Ornela, nuk është kthyer në Shqipëri për të ringjallur dashurinë e saj të vjetër, përshkruar si nëpër telenovela, por dukshëm për gjëra shumë më konkrete… aspak platonike, shumë tokësore dhe lëndore.
Ka ardhur në Shqipëri si artiste apo si një kubiste e qeverisë, Ornela? (Kubistet janë vajza që kërcejnë pothuajse pjeshkëjashtë, mbi ca kuba të ndriçuar, duke u mbajtur në ca tuba, me të cilat fërkohen provokueshëm…)
E njoh Ornelën e viteve ’80- ’90, në planin personal, por nuk kam ndërmend ta komentoj, të paktën për ca kohë…
Di edhe shumë detaje që ajo nuk thotë, në lidhje me Ramën, asokohe i martuar me Matilda Makoçin, por nuk është rasti të lëndojmë askënd.
Pas 30 vitesh, duhet me pa e me dëgjuar: Komedinë e re, "Vorpsi- Rama", për me harru kuksianët në burg, zhvatjen e ministrave të korruptuar të kësaj qeverisjeje dhe me restauru imazhin e shkalafitur të kryeministrit në krizë popullariteti".
Lexo më tej historinë e plotë:
Polemika/ Ornela Vorpsi gruaja që dashuroi Ramën, pro dhe kundër
Rrëfimi i Ornela Vorpsit: U dashurova me Ramën, ishte një mrekulli e vërtetë në Paris
Dashuria e Ornela Vorpsit për Edi Ramën. I del në mbrojtje ish gruaja Delina Fico
