Nënkryetari i Partisë Demorkatike, Edi Paloka paralajmëroi se protestat e opozitës do të vazhdojnë. Qëllimi do të jetë një, sipas Palokës, që kryeministri i vendit të mos jetë i qetë në asnjë vend, kudo që të shkojë.
Paloka u shpreh se kudo që Edi Rama të shkojë, do të ketë opozitën dhe qytetarët aty.
“Protesta ka përditë dhe do vazhdojnë përditë. Kam ndarë porosi edhe në mbledhjen e grupit sot, që ky kryeministër të mos jetë i qetë në asnjë vend, kudo ku të shkojë, do ta ketë opozitën dhe qytetarët aty. Do vijë edhe dita e masivizimit, por ajo do jetë dita e fundit e kësaj qeverie. Ajo që ndodhi në Kukës ishte revoltë dhe jo protestë e thjeshtë. Dhe revolta të asaj përmase nuk janë të përditshme.
Por protesta është e përditshme në Shqipëri nga opozita, qytetarët, studentë, të rinj, biznesi i vogël, nga të gjitha shtresat e shoqërisë. Një ditë pas asaj të Kukësit, pati një revoltë në Ballsh", - u shpreh Edi Paloka në studion e Report Tv.
