Partia Demokratike e përshkruan Olsi Ramën, vëllain e kryeministrit si një njeri që ka lidhje me kartelet më të rrezikshme të drogës në Kolumbi. Në një deklaratë për mediat, Enkelejd Alibeaj tha se Olsi Rama është një nga peshqit më të mëdhenj të kokainës në vend.
"Që kur 613 kilogramët e kokainës u kapën me ndihmën e partnerëve të huaj, Kryeministri i vendit është zhdukur nga qarkullimi dhe nuk jep përgjigje se çfarë lidhje ka Olsi Rama me një nga kartelet më të rrezikshme të drogës kolumbiane dhe cili ishte roli i Olsi Ramës në ngarkesën e 613 kilogramëve kokainë të pastër" tha Alibeaj.
Përgjigjia i ka ardhur nga Ministria e Brendshme. Në një deklaratë për mediat, nga opozita kërkohen prova konkrete për Olsi Ramën, përndryshe retorika nuk ka asnjë vlerë.
“Çdo qytetar i përgjegjshëm në këtë vend që disponon prova dhe fakte konkrete ka detyrimin kushtetues e ligjor t’i vendosi në shërbim të hetimit. Në të kundërt sulmet verbale publike nuk synojnë gjë tjetër veçse të dekurajojnë punën e Agjensive përgjegjëse për hetimin dhe të inkurajojnë krimin” thotë ministria.
