Sipas televizionit kombëtar Top Channel, Byroja Federale e Hetimit në Shtetet e Bashkuara të Amerikës ka nisur hetimet për lobistin e Partisë Demokratike, Nikolas David Muzin, i njohur si Nik Muzin.
Për këtë lajm, Top Channel i referohet "burimeve të sigurta", që i kanë thënë televizionit shqiptar se "hetimet kanë nisur pas informacioneve për burime financiare ruse që shkonin në një rrjet kompanish si pagesë për lobistët, që një vit më parë ndihmuan edhe Partinë Demokratike të Shqipërisë".
Në mediat amerikane nuk ka asnjë lajm për nisjen e hetimeve ndaj Nick Muzin, i cili do të ishte bashkëpuntori i radhës në fushatën e Donald Trump që merret nën hetim për dyshimet se u pagua nga rusët.
Gjithsesi Top Channel bën një paralelizim mes hetimeve që ka nisur FBI dhe atyre që ka nisur Arta Marku në Tiranë, për paratë që përdori PD në fushatën e vitit të kaluar.
