Reshjet më të fundit të shiut të shoqeruara me stuhi në zonën e Librazhdit kanë shkaktuar shumë probleme. Por më shqetesuese, situata duket në brendësi të qytetit.
Sipas informacioneve më të fundit, 13 shtëpi në lagjen e ish NSHN-së rrezikohen nga përmbytja. Uji ka hyrë në katet e para të ndërtesave dhe ka dëmtuar orendi dhe materiale shtëpiake. Përveç dëmtimeve në banesa për shkak të reshjeve ka patur edhe ngordhje të shpendëve, kurse në disa lagje mungon uji i pijshëm.
Ndërkohë në zonat malore të Librazhdit për shkak të borës, 125 familje te fshatrave Neshtë, Rinas, Ballgjin, Stëblevë dhe Qarishtë vazhdojnë të jenë të bllokuara.
