Edi Rama i tha Presidentit të Komisionit Europian, Zhan Klod Junker se qeveria e meriton hapjen e negociatave pasi deri në këtë moment, i ka kryer detyrat e saj.
Për të qenë më konkret, Rama i serviri Junker 17 gjykatës dhe prokurorë të tërhequr nga detyra pas fillimit të vetingut. Këto janë rezultate të para të një procesi që sapo ka nisur tha Rama që si dëshmi të luftës kundër korrupsionit përmendi operacionin "Forca e Ligjit" apo reformën e deregullimit.
Në konferencën e përbashkët me Junker, Rama përmendi edhe ndryshimin e Prokurorit të Përgjithshëm që sipas tij ka rezultuar me hapjen e një sërë dosjesh të reja. Në këtë pikë, Rama nuk kaloi në asnjë emër konkret.
