Pas dy ditësh Presidenti i Komisionit Evropian, Jean-Claude Juncker, shefja për Politikë të Jashtme dhe Siguri e BE-së, Federica Mogherini dhe Komisioneri për Zgjerim, Johannes Hahn, do të vizitojnë vendet e Ballkanit, përfshi këtu natyrisht edhe Shqipërinë. Turi i takimeve të tyre nis më 21 shkurt dhe përfundon më 1 mars. Ata do të prezantojnë strategjinë e re të BE-së për Ballkanin Perëndimor.
Javë më parë, Komisioni Evropian, prezantoi Strategjinë e re të Zgjerimit, ku afate të qarta kohore për anëtarësim në BE, ju dhanë vetëm Malit të Zi dhe Serbisë, ndërsa për Shqipërinë nuk pati asnjë afat. Vendi tonë pret hapjen e negociatave këtë pranverë, por kjo do të varet shumë nga ecuria e zbatimit të reformës në drejtësi. Procesi i vettingut ka nisur, por ende s’ka zyrtarë të lartë nën hetim për afera korruptive, apo goditje ndaj krerëve të bandave krimianale.
©LAPSI.al
