Ministri serb i Punëve të Jashtme të Serbisë, Ivica Daçiç ka deklaruar sot se gjatë bisedave me shefin e diplomacisë së Gambisë, Usain Darbo, i ka propozuar që Gambia ta rishqyrtojë vendimin e vitit 2009 me të cilin e kishte njohur pavarësinë e Kosovës. Mediat serbe raportojnë se Darbo ka thënë se do të shqyrtohen disa hapa të ish-pushteteve dhe mendon se në një të ardhme të afërt do të merren vendime që do të forcojnë marrëdhëniet ndërmjet Serbisë e Gambisë. Por nuk dihet ende me saktësi nëse ky shtet do ta tërheqë apo jo njohjen e pavarësisë së Kosovës.
