Ministri i Brendshëm, Fatmir Xhafaj, ka deklaruar se javën e ardhshme do të ketë një arrestime që lidhen me grabitjen dhe tjetërsimin e pronave publike në vend.
Xhafaj u shpreh në emisionin "Opinion" se Prokuroria e Përgjithshme ka përfunduar një sërë hetimesh dhe javën e ardhshme pritet të nisin gjyqet për personat përgjegjës për këto tjetërsime pronash publike.
"Kemi disa çështje penale, në bashkëpunim me Prokurorinë, në rrethet Kavajë, Durrës, si dhe ka një proces hetimi në Lezhë, por do ta shtrijmë në Vlorë dhe gjithë vijën bregdetare." - u shpreh Fatmir Xhafaj.
