Punonjësit e By-Passit të Fierit po protestojnë para selisë së Kuvendit për mospagesën e pagave për punën e bërë. Punonjësit e firmave nënkontraktore që kanë punëra në këtë segment kanë 18 muaj pa marrë pagat. Pas protestës që zhvilluan para prefekturës së Fierit, punëtorët e rrugëve vendosën të vijnë në Tiranë në mënyrë që zëri i tyre të degjohet më shumë.
55 përfaqësuesit e firmave nënkontraktore të angazhuara në ndërtimin e Bypasseve të Fierit dhe Vlorës kanë kërkuar edhe ndërhyrjen e kryeministrit Edi Rama për të zgjidhur çështjen e mospagesës për punimet e kryera nga firma kontraktore që braktisi projektin. Ata kërkojnë nga shteti njohjen dhe shlyerjen nga ARRSH të afro 9.5 milionë euro detyrime këto të prapambetura nga kompania nënkontraktore Serenisima.
Përfaqësuesit e 55 firmave nënkontraktore që thonë se përfaqësojnë mijëra punëtorë theksuan se nuk do të lejojnë asnjë firmë që të punojë aty pas rihapjes së tenderave për përfundimin e dy veprave të mëdha infrastrukturore.
