“Del e vërteta!! Edvin Rama tradhtar i kombit!! Shtypi grek i çjerr maskën e tradhtisë kombëtare Edi Ramës”. Janë këto titujt që i ka vënë ish-kryeministri Sali Berisha një komenti të tij në rrjetet sociale pas shkrimeve në mediat greke ku thuhet se marrvëveshja mes dy qeverive është afër.
Berisha citon shkrimin e energypress.gr ndërsa thekson se Rama i fali Greqisë fushat më të mëdha të naftës dhe gazit në Jon dhe Mesdhe duke i falur blloqet 1 dhe 2 Greqisë kurse “Shqipëria merr krundet dhe llogjet!”
Ish-kryeministri e quan “trillim grek” se marrëveshja e mëparshme ka pasur disa gabime metodologjike. Sipas tij gazeta greke e specializuar fushën e energjisë informon pikërisht atë që opozita ka denoncuar këto javë disa herë, pra faljen nga Rama të fushave më të mëdha të naftës dhe gazit ne Jon dhe Mesdhe.
“Në këmbim, zyrtarët shqiptarë nuk mund të ngrenë pretendime lidhur me hidrokarburet në zonën e ndarjes kontinentale pranë ishujve Othoni dhe Erikousa, të vendosur në veri të Jonit”, (pra për blloqet 1 dhe 2 te naftës), vazhdon argumentin e tij ky portal. Dhe se “Drejtuesit e qeverisë greke kanë shprehur besimin se problemi i së shkuarës, që vinte prej kundërshtimit të Shqipërisë kundër aktivitetin të Greqisë për nxjerrjen e naftës në rajon, tashmë, me nënshkrimin e marrëveshjes nuk do të përsëritet. Blloqet 1 dhe 2 janë përfshirë në një paketë greke prej 20 blloqesh dhe janë tenderuar në vitin 2015” – citon Berisha nga shkrimi i të përditshmes greke.
Ish-kryeministri thotë se kjo është e vërteta “lakuriq e marrëveshjes së tradhëtisë së lartë kombëtare të Edvin Kristaq Ramës". ©LAPSI.al
