Një ngjarje e rëndë ka ndodhur ditën e djeshme në Lezhë, ku një person ka mbetur I djegur si pasojë e shpërthimit të bombolës së gazit në shtëpinë e tij. Ngjarja ka ndodhur në lagjen “Lalm i Ri”, të qytetit të Lezhës, ku ë kuzhinën e banesës private të 70-vjeçarit M.B., banues në Lezhë, ka shpërthyer në flakë soba e gazit, ku si pasojë ka marrë djegie të shumtë në fytyrë I moshuari.
Nga shpërthimi i madh, mësohet se janë thyer xhamat dhe është dëmtuar kuzhina e tij, ndërsa I plagosuri është dërguar në spital dhe ndodhet nën kujdesin e mjekëve. Lidhur me ngjarjen, policia bën me dije se ka nisur hetimet për të hedhur dritë mbi këtë ngjarje.
