“...të tjerat pastaj janë histori këpucësh!” Me këtë batutë e mbylli kryeministri Edi Rama intervistën e tij për emisionin “Top Story” të Sokol Ballës mbrëmjen e së enjtes. E kishte si një shigjetë për këpucët e Monika Kryemadhit, por ndoshta jo vetëm për ato.
Ndoshta për të na bërë që të mos flasim për këpucët dhe paraqitjen e kreut të qeverisë në zyrën e tij të hartave që tërhoqi jo pak vëmendjen e shikuesve. Sidomos mungesa e një këmishe apo e një kravate. Shumë nisën të pyesin çfarë është kjo bluzë që mban veshur kreu i qeverisë në prime time” të një ekrani kombëtar?
Nga një kërkim i thjeshtë në internet shihet se ajo është “Y-3”, prodhim i “Adidas”, e preferuar e kryeministrit. Vihet re se ajo kushton rreth 60 dollarë ose rreth 70 mijë lekë të vjetra me kursin e këmbimit të Bankës së Shqipërisë të së enjtes. 
E njëjta gjë edhe për atletet e bardha. Edhe ato janë “Y-3 Adidas” dhe kushtojnë në internet rreth 320 dollarë (ose 380 mijë lekë të vjetra).
Mesa duket kreu i qeverisë ka pasur kohë për të bërë pazar gjatë vizitës në SHBA kur për më shumë se një javë askush nuk kishte dijeni për të se ku ndodhej. ©LAPSI.al
