Këtë të hënë Partia Demokratike ka mbajtur mitingun përmbyllës në qytetin e Gjirokastrës, dhe gjatë këtij takimi elektoral, Roland Bejko, kandidat i PD-së për deputet në këtë qark, ka kapur një detaj interesant.
Bejko vetë shkruan se në mitingun e sotëm të PD ka qenë dhe një socialist i zhgënjyer nga PS. Për këtë fakt kandidati për deputet ka postuar dhe një foto të zotërisë në fjalë që bën shenjën me dy gishta në mitingun e PD-së, por vihet re se në kyçin e dorës së tij ka një byzylyk “mavi” të socialistëve.
“Një socialist i zhgënjer në mitingun e PD me dy gishtat lartë”- shkruan Bejko. Por mund të jetë dhe rasti për të menduar edhe për të anasjelltën. Një socialist i bindur që ka ardhur në mitingun e PD-së me dy gishtat lart të socialistëve, ose thënë ndryshe një “spiun” i PS-së brenda demokratëve.
