“Bukuroshja dhe Bisha” erdhi në kinematë shqiptare një ditë përpara kinemave botërore. Kinema “Millenium” dhe “Cineplexx” e sollën që në datën 16 prill, duke tërhequr menjëherë një numër shumë të madh spektatorësh.
Një ditë para se të lançohej në kinematë botërore kinema "Milleniun" dhe "Cineplexx" sollën për herë të parë filmin "E bukura dhe Bisha" më datë 16 ku shikueshmëria ishte në numër të madh.
Një bukuroshe nga periferia e qytetit shkon e detyruar në shyëpinë e Bishës por një më pas një dashuri lind me tyre.
Rolin e kësaj vajze e luan Emma ëatson ndërsa Dan Steves është princi i kthyer në një kafshë.
Në javën e parë të shfaqjes në kinematë shqiptare, “E bukura dhe Bisha” ka shënuar shitje shumë të larta biletash.
“Ka pasur një numër shumë të madh spektatorësh, mbi mesataren.”, pohojnë për Anabel.al menaxherët e kinemasë “Millenium”.
Në sportelet është vënë re se paradite spektatorët kryesorë janë adoleshentët, kurse pasdite të rriturit. Pra, është një histori që e duan të gjitha moshat: brezi i viteve ’90 por edhe brezat e mëparshëm. “Bukuroshja dhe Bisha” ka ardhur në Shqipëri më herët se ç’mendojnë të rinjtë.
Shqiptarët e njohën fillimisht këtë përrallë në variantin francez të vitit 1946, me aktorin e njohur Jean Marais. Ky klasik i regjisorit Jean Cocteau është transmetuar për vite me radhë në Televizionin Publik Shqiptar. Brezat e mëvonshëm njohën variantin e vitit 1991 të Disney-t.
Megjithatë, siç tregojnë për Anabel.al menaxherët e “Cineplex”, shqiptarët janë shumë skeptikë kur vjen fjala për histori për fëmijë që ekranizohen si filma për të rritur.
“E bukura dhe Bisha” është një ndër filmat më të suksesshëm të kohëve të fundit, sigurisht.”, shprehen ata, “Megjithatë, duke qenë se mbeten diçka mes përrallës dhe filmit për të rritur, nuk e kanë suksesin e filmave si “Fast & Furious”. Shqiptarët e adhurojnë aksionin.”
Është një ndër përrallat më të bukura për dashurinë shpirtërore, përtej pamjes së jashtme, paragjykimit dhe maskës së egërsisë. Sipas menaxherëve të “Cineplex” publiku kryesor janë vajza dhe gra, të cilat janë edhe “reklamueset” kryesore të filmit në rrjetet sociale ku ditëve të fundit, has shpesh video në Instastory nga shfaqja e “Bukuroshja dhe Bisha”.
